Alen Perren: "O'zbekiston safida Jeparov va Kapadze kuchli"

Uning birinchi qismida xitoyliklar ustozi Alan Perren va himoyachi Zang CHengdong ishtirok etdi.

Matbuot anjumanida 50dan ortiq OAV vakillari ishtirok etishdi.

Xitoyliklarning kelishi biroz kechikdi.

- O'zbekistonga qarshi o'yindan o'z fikrlaringiz bilan o'rtoqlashsangiz. Uchrashuvga qanday tayyorgarlik ko'rdingiz?
- Musobaqani juda yaxshi boshladik. O'zbekiston KXDR jamoasidan kuchli ekanligini ko'rdik. Bu jamoa o'tgan Osiyo Kubogida to'rtinchi o'rinni olgandi. Tarkibdagi bir qator futbolchilar Qatardagi qita chempionatida ham ishtirok etishgan. O'zbekiston safida 8 (Jeparov) va 18-raqamdagi (Kapadze) futbolchilar kuchli. Individual tarzda o'ynay oladigan o'yinchilar ko'p. Raqibimizda jamoaviy o'yin ham kuchli. 2011 yil biz O'zbekiston bilan 2:2 hisobida durang o'ynagandik. Bu safar ularni mag'lub etishga urinamiz, - deydi Alan Perren.

Himoyachi Zang CHengdong esa dastlab quyidagi fikrlarni bildirdi: Raqibimiz kuchli futbolchilarga ega. O'tgan musobaqalarda juda muvaffaqiyatli tarzda ishtirok etgan. Saudiya Arabistoniga qarshi bahsda biz yaxshi o'ynab ijobiy natijaga erishdik.

 - O'tgan o'yinda jamoaingiz safida qaysi futbolchini eng yaxshi deb ayta olasiz?
- Saudiya Arabistoni bilan bahsda barcha o'yinchilar juda yaxshi o'ynashdi. Hech bir futbolchini alohida ajratib ko'rsata olmayman.  

- Krishtianu Ronalduning "Oltin to'p"ni qo'lga kiritganiga munosabatingiz? Ikkinchi savol O'zbekiston haqida nima deya olasiz?
- Ronaldu haqli ravishda "Oltin to'p"ga ega chiqdi. Lekin qolgan nomzodlar ham kuchli edi.

Biz O'zbekiston terma jamoasini yaxshi o'rganib chiqdik. Ikkinchi turdagi bahsga tayyormiz.

- KXDR va Saudiya Arabistoni o'rtasidagi o'yin oldinroq bo'ladi. Ushbu uchrashuv natijasi Xitoy va O'zbekiston o'rtasidagi bahsga tasiri bo'ladimi?
- Bizning O'zbekistonga qarshi ishlab chiqqan rejamiz bor. SHu bois faqat o'z o'yinimizga etibor qaratamiz. Albatta uchrashuv natijasini bilishimiz turgan gap.

- 2011 yil Xitoy ilk turda g'alaba qozongan. Lekin guruhdan chiqa olmagandi. Bu safar ham dastlabki turda yutuq bo'ldi. Bu safar natija yaxshiroq bo'larmikin?
- Guruh bosqichi uchta o'yindan iborat. Agar uchala o'yinda yaxshi o'ynasak albatta chorak finalga chiqamiz.

- Statistikaga nazar solsak Xitoy Osiyo Kuboklarida O'zbekiston bilan uch marta to'qnash kelib umuman g'alaba qozona olmagan. Bir marta durang o'ynagan va ikki bor yutqazgan. Bu ertangi bahsdan oldin sizlarga qo'shimcha bosim yuklaydimi?
- Tarix tarixligicha qoladi. Biz bugungi kun bilan yashaymiz. Albatta O'zbekiston terma jamoasi ham kuchli. Xitoy ertaga g'alaba qozonish uchun urinadi.

Narzulla Saydullaev
Brisben