Aleksey Evstafeev: "Himoyamizda muammolar etarlicha"

Bu yig'in doirasida Aleksey Evstafeev boshchiligidagi jamoa Yaponiyaga qarshi ikkita o'rtoqlik uchrashuvini o'tkazdi (2:3, 2:2). Biz mana shu o'yinlar va yig'in haqidagi fikrlarini bilish uchun Aleksey Evstafeevga murojaat qildik. 

“Yaponiya kuchli jamoa ekanligini ikki o'yin davomida ko'rsatdi. Yig'inlar davomida kamchiliklar borasida ishlayapmiz, saralashga vaqt ham oz qoldi. Himoya chizig'imizda muammolar etarlicha. Tezlik borasida ham oqsadik, yaponlar esa taktik va fikrlash borasida ustunlikka ega ekanliklarini ko'rsata oldilar. Saralash bosqichlarida raqiblarni o'rganyapmiz. Hozircha Qatar borasida tushunchaga egamiz xolos”, - deydi Aleksey Vladimirovich.

Malumot o'rnida, O'zbekiston yoshlar terma jamoasi shu yilning 4-12 oktbyar kunlari 2014 yili Myanmada bo'lib o'tadigan yoshlar o'rtasidagi Osiyo chempionati saralash bahslarida ishtirok etadi. O'zbekiston yoshlari saralash bahslarining A guruhida Qatar, Turkmaniston, Hindiston va Nepal yoshlar terma jamoalariga qarshi bahs olib boradilar. A guruhi bahslariga esa, Qatar mezbonlik qiladi.