So’nggi yangiliklar

09:44Ўтган мавсум А Серияда 11 та гол урган ҳужумчи фаолиятини “Рома“да давом эттириши мумкин  0 09:17УEФА Чемпионлар Лигасининг янги мавсумида “Барселона“ни очколардан маҳрум қилиши мумкин  12 08:50Goal «Олтин тўп»ни ютишга даъвогарлар рейтингини янгилади. ПСЖнинг уч нафар футболчиси ТОП-10 га илк бор киришди  9 08:23“Реал Мадрид“ яна бир трансфер бўйича ишни якунлади  11 07:56Бугун Ўзбекистон ОТЖ Францияга қарши баҳс олиб боради  7 07:23БАА Спорт вазирлиги "Ҳаммамиз оқлар тарафидамиз" кампаниясини ўтказмоқда: Спорт федерацияларига бепул чипталар тарқатиляпти  29 00:44Сон Хён Мин "Тоттенхэм"ни тарк этиши ва Саудия клубига ўтиши мумкин?!  1 00:19Лука Модрич янги клуби билан қачон шартнома имзолайди?  1 23:44"Тоттенхэм" янги уй либосини тақдим этди  2 22:42Инзаги "Ал Ҳилол"да қанча маош олади?  2 22:07ПСЖ украиналик футболчини ўз сафига қўшиб олмоқчи, аммо...  0 21:32"Ал Ҳилол"га ўтишга рози бўлмаган Тео Эрнандес испан гранди сафига ўтиши мумкин  4 21:05Инзагининг ўрнига "Интер"га ким бош мураббий бўлади?  4 20:41Инзаги "Интер"ни тарк этди, унинг янги клуби ҳам маълум  10 20:15"Челси" А Сериядаги дарвозабон бўйича ишни бошлади  4

Aleksandr Xomyakov: "Hatto durangni ham ushlab qola olmadik. Ketma-ket mag'lubiyatlar yomon tasir o'tkazmoqda" Yangiliklar

Aleksandr Xomyakov: "Hatto durangni ham ushlab qola olmadik. Ketma-ket mag'lubiyatlar yomon tasir o'tkazmoqda"

Superliga 18-turidan o'rin olgan "Andijon" - "Lokomotiv" (1:2) uchrashuvidan so'ng mezbonlar bosh murabbiyi Aleksandr Xomyakov matbuot anjumanida ishtirok etdi.




- O'yin haqida

- Barchani o'zingiz ko'rdingiz. Juda alamli o'yin bo'ldi, hatto durangni ham ushlab qola olmadik. Birinchi bo'limda juda yomon o'ynadik va reja qilgan o'yinimizni umuman namoyish eta olmadik. Ikkinchi bo'limda biroz jonlandik. Ikkinchi bo'lim avvalida gol o'tkazib yubordik, keyin hisobni tenglashtirdik, lekin hatto durang natijani ushlab qola olmadik. Raqibni g'alaba bilan tabriklayman. Hozir bir nima deyish qiyin.

- "Andijon" ikkinchi davrada 5 marotaba mag'lubiyatga uchrashi. Mag'lubiyatlar soni juda ko'payib ketmadimi?

- To'ppa-to'g'ri. Bu juda yomon natija. Nima deyishni ham bilmayman, to'g'risi. Buni qanday to'g'rilash yo'lini bilarsiz balki? O'zingiz yordam berib yubora olmaysizmi? "Lokomotiv" bugun bizdan yaxshiroq o'ynadimi? Nima deb o'ylaysiz?

- Jamoa g'alaba qozondimi demak, yaxshi o'ynagan.

- To'g'ri, g'oliblar muhokama qilinmaydi. Juda yomon o'ynamoqdamiz. Biz harakat qilmoqdamiz, ammo bir nima etishmayapti. Bu savolga javob topa olmayapman, to'g'risi.

- Natija qachon yaxshilanadi?

- Yaxshi savol. Bilmadim, natija qachon kelishini. Har bir o'yinga maksimal tayyorgarlik ko'ryapmiz, ammo omadimiz kelmayapti.

- Jamoadagi ichki muhit yaxshimi?

- Hammasi joyida. Bu masalada hech qanday muammo yo'q. Mashg'ulotlarda barchasi o'hshamoqda, ammo o'yin vaqtida umuman boshqacha futbol namoyish etyapmiz.

- Kecha "Navbahor" jamoasi bosh murabbiyi Sergey Lushchan, uchrashuvdan keyingi matbuot anjumanida faqatgina finalni kutib yashayotganini aytdi. Balki "Andijon" ham final haqida juda ko'p o'ylab yuborayotgandir va shu sababli Superligadagi natijalar yomonlashib ketgandir?

- Bunday muxlislar bilan birga o'yinni tashlab qo'yishning iloji yo'q. Har bir uchrashuvga maksimal tayyorgarlik ko'ryapmiz. Ketma-ket mag'lubiyatlar ham yomon tasir o'tkazmoqda. Har bir uchrashuvga Kubok bahsidek yondashish kerakligini takidlayapman, ammo bu hozircha ish bermayapti.



Reyting: -2   

Fikrlar

championat.asia
< so’nggi yangiliklarni ko’rish
Яндекс.Метрика