Aleksandr Xomyakov: "Futbol 45 daqiqadan iborat emas"
25 apr 2021 20:45
Yangiliklar
![](https://championat.asia/upload/storage/633678_original.jpg)
![](/upload/storage/633678_220.jpg)
Aleksandr Xomyakov: "Futbol 45 daqiqadan iborat emas"
"Juda qiziqarli uchrashuv bo'ldi. Har ikki jamoa hujumkor va tomoshabop ruhda o'yin namoyish etdi. Darvozalarga kiritilgan gollar sonining ko'pligi tomoshabinlarga ham manzur kelishi shubhasiz.
Bugun ikki xil taym ko'rdik. Birinchi bo'lim davomida to'pni nazorat qilishga va raqib darvozasini ishg'ol etishni maqsad qilgandik, bu rejamiz amalga oshdi. Lekin ikkinchi bo'limda birinchisidan farqli ravishda gollar o'tkazib yubordik. Ikkinchi bo'limda o'yinimiz qovushdi deb ayta olmayman. Aksincha "Qo'qon-1912" jamoasi tezlikni oshirgan xolda uchrashuvni o'z foydalariga hal qilishdi. Qo'qonliklar tarkibida mahoratli va kurashuvchan futbolchilar jam bo'lgan. Bugungi mag'lubiyatni unutgan xolda olg'a davom etamiz. Guruh bosqichining so'ngi turi biz uchun hal qiluvchi bahs hisoblanadi.
Tabiiy xolda bugungi natijadan qoniqish hosil qilganim yo'q.Futbol faqat 45 daqiqadan iborat emas. "Qo'qon-1912"ga muvaffaqiyat tilayman.
Qo'qonliklar bilan Muborakda kechgan o'yinimiz ham tomoshabop ruhda o'tgandi. O'sha golni aytmasa, shu o'yin ham bugungisidan farq qilmagandi", - deydi Xomyakov.
O’xshash yangiliklar
![AMP Logo](https://championat.asia/image/logo-amp.png)
Fikrlar