Aleksandr Xomyakov: "Bugun hech narsani uddalay olmadik"

"Bugun hech narsani uddalay olmadik. Hujumlarimizda faollik va tajovuzkorlik etishmadi. SHu bois oldingi chiziqda hech narsa qila olmadik. Jamoamizda o'zi butun uchrashuv davomida bir, ikkita imkoniyat bo'ldi. SHunga qaramay darvozamiz daxlsizligini ham saqlab qoldik. Biz o'zi birinchi marta darvozamizni saqlab qoldik. Oldingi barcha uchrashuvlarda gol o'tkazib qo'ygan edik. Har doim maydonimizda birinchi 30 daqiqalikda gol o'tkazdik. Ko'rsatgan o'yinimiz borasida biron fikr aytishim ham qiyin" , - deya o'yin haqidagi fikrlarini bildirib o'tdi Aleksandr Xomyakov.

"Har doim nima uchun bunday vaziyatlardan chiqib keta olmayotganimizni o'ylamoqdamiz. Bu natijalardan so'ng turnir jadvalida ko'tarilishimiz ham qiyin bo'lmoqda. "Qo'qon-1912" va bugungi bo'lgan o'yin bir xil ko'rinish oldi. Yagona farqi Qo'qondagi o'yinda hujumga intilish istagi ko'p edi. Bugun buni ko'rmadim"

"Mirzohid G'ofurov Qo'qondagi uchrashuvda jarohat olgan edi. Biz ham Mirzohidni tezkor jarohatdan qutilishini istamoqdamiz. "Buxoro" bilan o'yinga hali bir hafta bor va bu o'yin haqida o'yindan so'ng aytishim mumkin. Buxoroda kuchli xoxish bilan hujumda o'ynaymiz. Qarshi hujumda oxirgi nuqtani hujumchi qo'yadi. Zohir bu yilga qaraganda o'tgan yili yaxshiroq o'yin ko'rsatgan edi. U ham juda uzoq muddatdan buyon maydonni golsiz tark etmoqda", - dedi Xomyakov.