Aleksandr Volkov: "Doim "oq bo'rilar"ni boshqarishni istardim"

"Barchani yangi mavsum boshlangani bilan tabriklayman. Bugun juda qiyin vaziyatga tushib qoldik, ammo yigitlar bor kuchlari bilan natijani saqlab qolishga erishishdi. Ularga katta rahmat aytaman. G'uzor xalqi futbolni sevadi, shu bois har bir g'alaba ular uchun bayram bo'ladi.

"Bunyodkor"da ishlaganimda ham "SHo'rtan"ni hurmat qilardim. Bu jamoa laqabi "oq bo'rilar", familiyam esa Volkov (kuladi). SHu bois doim bu klubda ishlashni istaganman.

Keyingi o'yinda bundan ham yaxshiroq o'ynaymiz. Ilk bahsda barcha murabbiylar natijani birinchi o'yinga qo'yadi. CHiroyli o'yinlar esa keyinchalik bo'laveradi.

"SHo'rtan" oldiga minimum 6-7-o'rinlarni egallash vazifasi qo'yildi. Biroq beshlikka kira olsak xursand bo'lamiz. O'tgan yil "Buxoro" kuchli to'rtlikka kirgandi, bu yil "Olmaliq" yuqori o'rinlarda yursa kerak. Ko'pchilik "Dinamo"ni autsayderga qo'shib qo'yishgandi, biroq ko'rdingiz ular Bekobodda "Metallurg"ni mag'lub eta olishdi. Futbol shunisi bilan qiziq.

Bu yilgi chempionatimizda syurprizlar bo'ladi, qandayligini vaqt ko'rsatadi", - deydi Volkov.

"SHo'rtan" matbuot xizmati