Aleksandr Mochinov: “CHempionatimizda yana bir kuchli jamoa paydo bo'lganidan xursandman”
19 avg 2016 14:44
Yangiliklar
![](https://championat.asia/upload/storage/218832_original.jpg)
![](/upload/storage/218832_220.jpg)
Aleksandr Mochinov: “CHempionatimizda yana bir kuchli jamoa paydo bo'lganidan xursandman”
- “Qizilqum” jamoasini g'alaba bilan tabriklayman, - deya so'z boshladi Adeksandr Vladimirovich. - Yirik hisobda mag'lubiyatga uchragan bo'lsak-da, yigitlarimizga etirozim yo'q. Menimcha, bugungi o'yin stadionga yig'ilgan muxlislar zerikib qolishmadi. Raqibimiz kuchli jamoa, shunga qaramay Navoiydan hech bo'lmasa bir ochko olib ketish ilinjida tashrif buyurgandik. Ammo tajriba o'z so'zini aytdi. “Qizilqum” tarkibida mahoratli ijrochilar jamlangan. Ularga alohida tarif berishning hojati yo'q. Bugun aynan ularning xizmatlari evaziga raqibimiz yirik g'alabani qo'lga kiritdi.
Hayot esa davom etadi. O'z oldimizga kuchlilar safida o'rnimizni saqlab qolish vazifasi qo'yilgan. SHunday ekan, hali kurashamiz va oliy ligada qolish uchun imkoniyatimiz etarli, deb o'ylayman.
Bugungi o'yin milliy chempionatimizda yana bir kuchli jamoa shakllanayotganligini ko'rsatib berdi. Bundan xursand bo'ldim. Navoiydagi zamonaviy sport inshooti, yaratilgan shart-sharoitlar mutaxassis sifatida meni lol qoldirdi. Qolaversa, bu erda ajoyib muxlislar bor ekan. Yaqin yillarda “Qizilqum” Osiyo chempionlar ligasida qatnashsa, aslo ajablanmayman. Bu yo'lda navoiyliklarga faqat omad tilayman.
“Qizilqum” PFK Matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar