Aleksandr Mochinov: "Bayramga JCH yo'llanmasini hadya qilmoqchimiz"

Kecha asosiy tantana o'tkazilgan bo'lsa, bugun shahar va qishloqlarimizda bayram shukuhi davom ettiriladi. SAda navbatdagi tabrik O'zbekiston o'smirlar (U-16) terma jamoasi bosh murabbiyi Aleksandr Mochinovdan.

- Hurmatli yurtdoshlar hamda mamlakatimiz mehmonlari, sizlarni chin qalbimdan istiqlolning 23 yilligi bilan tabriklayman. Bayramni bizga Toshkentda nishonlash nasib qilmadi. SHu kunlarda Tailanddamiz. Mening tilaklarimga terma jamoamizning barcha azolari qo'shilishadi.

O'ylaymanki, futbolchilar Bangkokda start olish arafasida turgan Osiyo chempionatida muvaffaqiyatli o'ynab, chiroyli g'alabalar hamda jahon chempionati yo'llanmasini taqdim etishadi. Barchamizning niyatimiz shu. Kayfiyatlar alo darajada. Tayyorgarlik kuchaytirilgan rejimda davom ettirilyapti. Tailanddan oldin Kuala-Lumpurda yig'in o'tkazdik va uning doirasida Malayziya yoshlar (U-19) hamda o'smirlar (U-16) terma jamoalariga qarshi o'rtoqlik uchrashuvlarida maydonga tushdik. Fursatdan foydalanib, yana bir bor bayram muborak bo'lsin, aziz yurtdoshlar!

Kamoliddin ALIMOV yozib oldi