Aleksandar Stanisavlevich: "Buxoro" ikkinchi davrada har bir uchrashuvda jang qilishga tayyor"

Jamoa tarkibida bir qator tajribali futbolchilar bilan bir qatorda legionerlar ham jamlangan. O'tgan mavsumning eng yaxshi assistenti Aleksandar Stanisavlevichdan "Buxoro"da ko'p narsa kutishayotgani rost. Xo'sh, bu borada u va jamoasi qanchalik tayyor? Serbiyalik yarim himoyachining fikri quyidagicha bo'ldi. 

"Albatta turnir jadvalidagi holatimizni yaxshi, deb bo'lmaydi. Lekin biz kurashishda davom etyapmiz. Har bir uchrashuv biz uchun yangi imkoniyat. Barchasi o'z qo'limizda. 

Har bir murabbiyning o'z uslubi bor. Bunga ko'nikish uchun esa malum bir vaqt talab qilinadi. Men va jamoa bo'lajak uchrashuvlarda borini berishga, jang qilishga tayyor. Mavsumning ikkinchi yarimini yangi futbolchilar va yangi motivaciya bilan boshlaymiz. 

Jamoada yoshi katta futbolchilar bosimni va masuliyatni zimmamizga olamiz. Maqsadimizga erishishda barcha narsaga tayyormiz. Muxlislardan esa qo'llab-quvvatlashlarini so'rab qolardim", - deydi Aleksandar Stanisavlevich. 

Abdulaziz Iskandarov yozib oldi