Alaba Avstriyada yilning eng yaxshi futbolchisi deb topildi

Ovoz berish natijalariga ko'ra, 30 yoshli himoyachi ikkinchi o'rinni egallagan Marko Arnautovichni ishonchli tarzda ortda qoldirdi.

Alaba to'qqizinchi marta mamlakatning eng yaxshi futbolchisi deb topildi. U 2011, 2012, 2013, 2014, 2015, 2016, 2020 va 2021 yillarda ham ushbu mukofotni qo'lga kiritgan.

Avstriyalik himoyachi 2021 yilning yozidan buyon "Real"da to'p tepadi. U joriy mavsum 21 ta o'yin o'tkazib, 2 ta gol urdi va 3 ta golli uzatmani amalga oshirdi. Milliy terma jamoa safida futbolchi Millatlar ligasida 4 ta uchrashuv o'tkazdi.