Akmal SHorahmedov: “Rejamiz qarshi hujumda raqibni jazolash edi”

“CHempionatimizda biroz tanaffus bo'lgani uchun uzulish bo'lib qoldi. Bizga ham “Obod” jamoasiga ham qiyin bo'lishi aniq edi. Ikkinchi davraning so'nggi o'yinlarida ochko yo'qotishga haqqimiz yo'q. Nima bo'lsa ham himoyada yaxshi o'yin ko'rsatib, gol o'tkazmaslikka harakat qildik.

“Obod” jamoasiga o'xshagan jamoalar bilan nima uchun o'ynash qiyin? Hozir bunday klublar oliy ligada jon saqlab qolish uchun kurashayapti. Biz himoyaga etibor qaratsak raqib jamoa hujumga o'tishini bilar edik. Bizning rejamiz qarshi hujumda raqibni jazolash edi. Keyingi turda “Paxtakor” jamoasiga qarshi o'yin o'tkazamiz.

Har bir uchrashuvga qay darajada tayyorgarlik ko'rsak, “Paxtakor”ga ham xuddi shunday tayyorgarlik ko'ramiz. Ushbu o'yinga u darajada tayyorgarlik ko'rmasa ham bo'ladi. Sababi, bunday o'yinlarga ruxan tayyor bo'lamiz. “Paxtakor”ga qarshi o'yin ikki baravar qiyin bo'ladi”, - deydi “Bunyodkor” klubi himoyachisi Akmal SHorahmedov.

Jahongir Sotvoldiev