Akmal Saitqulov: "Bugun jamoamiz ko'tarinki kayfiyatda o'ynadi"

O'yin haqida

- Bugungi g'alaba bilan jamoamiz muxlislarini tabriklayman. Ular bizni qiyin vaziyatda ham qo'llab-quvvatlab kelishmoqda. Bugun jamoamiz chindan ham ko'tarinki kayfiyatda o'ynadilar. Futbolchilar bugun asosiy etiborni hujumga qaratishdi. Ularda kundan-kunga ishonch shakllanib bormoqda.

- "Xorazm" jamoasiga qarshi chempionat o'yinida xuddi shu hisobda mag'lub bo'lgandinglar. Bugun jamoada nimadir o'zgardimi? Raqibni aynan ushbu hisob bilan yutishni uddasidan chiqdinglar...

- "Xorazm" jamoasiga qarshi o'tkazgan o'yinimizni murabbiylar shtabi bilan tahlil qildik. O'sha o'yinda yo'l qo'yilgan xato va kamchiliklarimizdan kelib chiqib xulosa qildik. Bugun yigitlar berilgan ko'rsatmalarni yaxshi bajarishdi. “Xorazm" jamoasi ochiq futbol o'ynaydi, biz o'yinga shundan kelib chiqib tayyorlandik.

- Ikkinchi davrada "SHo'rtan" tarkibiga yangi futbolchilar jalb etilib jamoa yanada kuchaysa, Pro-ligada qanday o'rinlarni maqsad qilayapsizlar?

- Jamoamizni davralar oralig'ida bir qator mahoratli futbolchilar bilan to'ldirmoqchimiz. Maqsadimiz xavfli xududlarni tark etgan xolda turnir jadvalida tobora yuqoriga intilish.