Ahmadjon Isroilov: "Muborak ramazon oyida kelib bizni qo'llab-quvvatlagan muxlislarga rahmat aytaman"

- Bugungi uchrashuv haqida nimalar deya olasiz?
- Bugungi o'yinda futbolchilarimizda ishtiyoq kuchli edi. SHu jumladan o'zim ham, klubimiz mutasaddilari va murabbiylari ham bugungi o'yinga kuchli ishtiyoq bilan turgan edilar. Sababi biz ketma-ket ikki turda dam oldik, shuningdek, oxirgi uchrashuvda aynan “G'ijduvon” jamoasidan mag'lubiyatga uchragandik. SHu bois uchrashuvga jiddiy tayyorgarlik ko'rdik, bugun mag'lub bo'lishga haqqimiz yo'q edi.

Yigitlarimizdagi ishtiyoqni ko'rib, bugungi uchrashuvdan ko'nglim to'q edi. G'alabamizning asosiy omillaridan biri tezkor gol urib olganimiz bo'ldi. Futbolchilarmizga katta rahmat, ular bugun biz istagandek o'yin ko'rsatib berishdi. Muborak ramazon oyida ro'zador bo'lsada, maydonga kelib bizni qo'llab-quvvatlagan muxlislarga rahmat aytaman.

Bekzod Tolibov yozib oldi.