AGMK Rossiya klubiga yutqazdi

Topkape sport majmuasida bo'lib o'tgan bu uchrashuvda jamoa tarkibida shug'ullanayotgan 16 nafar futbolchi ishtirok etdi. O'yin borasida to'xtaladigan bo'lsak, xavfli vaziyatlar yaratish borasida katta ustunlikka ega bo'lgan AGMK futbolchilari raqib posbonini dog'da qoldirishda oqsashdi. Raqib aksincha kam sonli hujumlaridan unumli foydalandi. 33-daqiqada darvozabondan qaytgan to'pni darvozaga yo'llagan nijnekamsliklar, o'yinning 75-daqiqasida penaltidan unumli foydalanishdi.

AGMK ertaga yana bir o'rtoqlik uchrashuvida maydonga tushadi. Side shahrida tashkil etiladigan bahsda AGMKga yana bir bor Ukraina chempionati vakili "Zarya" raqib vazifasini o'taydi. Yanvar oyida bo'lib o'tgan bahsda Lugansk shahri jamoasi 3-0 hisobida zafar quchgandi.