Agent: "Barselona" Koutinoni sotishni xohlamayapti"
04 iyu 2019 14:02
Yangiliklar

Agent: "Barselona" Koutinoni sotishni xohlamayapti"

"Barselona" yarim himoyachisi Filippe Koutinoning agenti Kia Jurabchian o'yinchining PSJga o'tishi mumkinligi to'g'risidagi xabarlarni rad etdi.

- Yaqinda "Barselona" sport direktori bilan gaplashdim. U menga narxdan qatiy nazar klub shu yozda Koutinoni sotishni xohlamayotganligini aytdi. Bundan tashqari, bizda PSJ bilan aloqa ham bo'lgani yo'q, - deydi agent.

Futbolchi faoliyatini "Inter"da boshlagan. Filippe italiyaliklar tarkibida 2008-2013 yillarda harakat qilgan. U bu vaqt davomida "Vasko da Gama" va "Espanol" klublarida ijara asosida to'p tepgan. 2013 yilda esa "Liverpul"ga o'tgan va 2018 yildan etiboran kataloniyaliklar sharafini himoya qilmoqda.

27 yoshli futbolchi 2010 yildan Braziliya terma jamoasi futbolchisi sanaladi.

Koutino yakunlangan mavsum barcha turnirlarda 58ta o'yinda maydonga tushib, 13ta gol va 5ta assistga erishgan.