Afsus... Omar Abdulrahmon Osiyo Kubogini o'tkazib yuboradi

"Al Hilol"ning 1:0 hisobidagi g'alabasi bilan yakuniga etgan bahsda Omar Abdulrahmon jarohat olgani haqida xabar bergandik. Malumki, Omar Abdulrahmon BAA milliy terma jamoasining eng asosiy futbolchilaridan biri hisoblanadi.

O'tgan vaqt davomida shifokorlar "Amuri"ning jarohatini jiddiy tekshirishdi va yakunda shunday xulosaga kelindiki, mohir yarim himoyachi o'z mamlakatida bo'lib o'tadigan Osiyo Kubogida ishtirok eta olmaydi. BAA termasi safida 71 ta o'yin o'tkazgan 27 yoshli futbolchi muvaffaqiyatli operaciya qilindi va yaqin ikki oyni davolanishda o'tkazadi.

Osiyo Kubogi 5 yanvar - 1 fevral oralig'ida BAAning to'rtta shahrida bo'lib o'tadi. Musobaqa tarixida birinchi marta 24ta jamoa ishtirok etadi.