Abror Pirriev Ammanga uchib ketdi

Osiyo futbol konfederaciyasi, milliy terma jamoamizning sobiq hamda “Lokomotiv” futbol klubining amaldagi shifokori Abror Pirrievni U-23 termalar o'rtasidagi Osiyo chempionati musobaqasining saralash bahslarida “Tibbiy Komissar” etib tayinladi. SHu munosabat bilan shifokorimiz Iordaniya poytaxti Amman shahriga uchib ketdi. Bunday faoliyat taniqli futbol tibbiyoti mutaxassisi uchun birinchisi emas. U yaqindagina poytaxtimizda bo'lib o'tgan Osiyo CHempionlar Ligasi guruh bosqichi o'yinlarida ham “OFK Tibbiy Komissari” mavqeida tashkilotchi – OFK nomidan ishtirok etgan edi.

"MTJ yig'inlariga jalb qilinmayotganim bois, faoliyatimdagi tig'izlik biroz yumshaganday bo'ldi. Bundan unumli foydalanib, mutolaa va ijodga etarli vaqt ajratish, shuningdek, shogirdlar tayyorlash uchun tanlov elon qilish imkoni tug'ildi.

SHu bilan bir qatorda, “Osiyo futbol konfederaciyasi” takliflarini qabul qilib, qitamizning nufuzli musobaqalarida OFK nomidan “Medical officer” – “OFK Tibbiy Komissari” mavqeida ishtirok etishdek masuliyatli va sharafli ishni davom ettirish barobarida, mana, Iordaniyaga ham otlandim.

Xullas, futboldagi hayotimning bir jabhasi boshqa o'zanga burildi, desam mubolag'a qilmagan bo'laman. Buyog'i, Yaratganga tavakkal... Siz qadrdonlardan esa duo ilinjidaman!" – deb yozadi u o'zining telegramm sahifasida.

Fursatdan foydalanib, Abror Pirrievga faoliyatida omad tilab qolamiz!