Abdusapi Qayumov - O'zbekiston kiberfutbolining "Legenda"si

"Ko'proq "Bavariya", "Yuventus" kabi jamoalar bilan o'ynayman, bazida "Real"ni ham olishim mumkin. Haqiqiy futbolda "Bavariya"ga ishqibozlik qilaman, bu klub - barqaror o'yin ko'rsatadigan nemis mashinasidir.

Kiberfutbol o'yinidagi ikki bo'lim odatda 15 daqiqa davom etadi. Bu 15 daqiqa ichida miya, qo'llar va tana faol harakatda bo'ladi. Etiborni susaytirish yoki boshqa chalg'ish mumkin emas. Sovuqqon va ruhan tayyor bo'lish lozim.

2 yil har kuni kamida 4-5 soat kiberfutbol bilan shug'ullanish bilan kerakli saviyaga etishish mumkin. O'yinni tushunish, strategiyalarni o'rganish kerak. Uslublarni yo'qotmaslik uchun albatta shug'ullanish kerak. To'g'ri, o'yin ko'proq omad va iqtidorga bog'liq.

Yurtimizda so'nggi 2-3 yil ichida FIFA bilan shug'ullanuvchilar soni ko'paydi. Istiqbolli o'yinchilar bor. Aprel oyida Toshkentda MDH Kubogi - 2016 turniri bo'lib o'tdi. Musobaqaga Rossiya va Ukraina chempionlarini taklif etdik va yigitlarimiz munosib ishtirok etishdi.

Haftada bir marotaba futbol bilan shug'ullanib turaman. Sportni yaxshi ko'raman. Kiberfutbol bo'yicha mavsumiy turnirlar o'tkazganimizda taqdirlash marosimiga Ravshan Ermatov va futbol sohasidagi yulduzlarni chaqirib turamiz.

70 yoshgacha kiberfutbol bilan shug'ullanish mumkin, ammo bir-ikki yil ichida professional faoliyatimni yakunlashim mumkin.

MDH Kubogi - 2016da uchrashuvlarni sharhlash uchun rossiyalik sharhlovchini taklif qilganmiz. Kelajakda o'zimizning sharhlovchilar bo'ladi degan umiddaman. Aytgancha, bazi o'yinlarni 3 mingga yaqin muxlislar tomosha qilgan.

Tez orada O'zbekistonda kibersport federaciyasi tashkil etiladi deb o'ylayman. Kelajakda bu sohaga katta pul tikiladi.

O'tgan yili Koreya elektron sport turlari associaciyasi bu borada katta ishlar amalga oshirdi. Ammo hozircha kibersport Xalqaro Olimiya qo'mitasigacha etib borgani yo'q. Hammasi endi boshlanmoqda. Yashasak - ko'rarmiz" - deydi Abdusapi Qayumov.