Abdusamad Do'rmonov: "Bunday o'yinlarda ishtiyoq va xohish kuchli bo'lishi kerak"

"O'yin qiyin bo'lishini oldindan bilgan edik. Bunga qadar uch marotaba "SHo'rtan" bilan to'qnash kelgan edik. O'yin sifatini olib qaraydigan bo'lsak koncentraciyani va to'pni yo'qotdik. Uchrashuvdan oldin yigitlarga barchasini tushuntirgandik. Bunday uchrashuvlarda ishtiyoq va xohish birinchi o'rinda turishi kerak. Urgan gollarimiz bizga biroz bo'lsada ishonch berdi. Oxirgi daqiqalarda darvozamizdan to'p olib chiqdik, kuchli bosim yuzaga keldi. Yigitlarni g'alaba bilan tabriklayman",- deydi Do'rmonov.

- "Neftchi" bu tarkibi va ko'rsatayotgan o'yini bilan Superligaga qayta oladimi?
- Oldinda yana beshta uchrashuv bor. Agarda shu zayilda davom eta olsak, xohish va ishtiyoq kuchli bo'lsa Superliga yo'llanmasini qo'lga kiritishimiz mumkin. Lekin oson bo'lmaydi. Jamoa oldiga maksimal vazifa qo'yilgan.

- Mansur Saidov bu yil faoliyatini tugatadimi yoki davom ettiradimi?
- Mansur Saidov tajribali futbolchi. Maydonda bo'lgan vaqtda tajribasidan kelib chiqib ko'p narsa bermoqda. Oldinda hamma narsa bo'lishi mumkin. SHuningdek uning xohishiga ham bog'liq.

- "Mashal" Superligaga qaytdi bu mavsum. Ammo oxirgi turlarga bora olmasligi haqida gaplar tarqalddi. "Neftchi" Superligaga aniq maqsad bilan qaytadi. Klubning hozirgi moddiy holati qanday?
- Muborak jamoasi haqida gapirish mening vakolatim emas. Men u erda nimalar bo'layotganini bilmayman. "Neftchi" Superligada ko'p yillar davomida ishtirok etgan. Jamoani Superligada ishtirok etishini istayotgan ko'plab muxlislar bor. Bu ham jamoaga motivaciya beradi. O'ylaymanki hammasi yaxshi bo'ladi. Qolganini vaqt ko'rsatadi.