Abdurahmon Fozilov: “Xitoylik muxlislar qo'ldan kelganini qilsin, biz undan ham faol bo'lamiz”

Ushbu bahsga futbolchilarimiz bilan birga muxlislarimiz ham qizg'in tayyorgarlik ko'rishmoqda. Ayni paytda Avstraliyada bo'lib turgan O'zbekiston muxlislar klubi boshlig'i Abdurahmon Fozilov Xitoyga qarshi bahsdan oldin o'z fikrlarini bildirdi.

“Osiyo Kubogidagi dastlabki o'yinda g'alabaga erishdik. Bundan juda xursandmiz. Ikkinchi o'yin Brisben shahrida bo'lib o'tadi. Barcha muxlislarimiz bir jamoa bo'lib ushbu shaharga uchamiz. To'g'ri bu erda xitoylik muxlislar juda ko'p, lekin biz kam bo'lsak ham sifat borasida ulardan ustun bo'lishga urinamiz. Qisqa qilib aytganda xitoylik muxlislar qo'ldan kelganini qilsin, biz undan ham faol bo'lamiz. Xudo xohlasa o'yin davomida bizning ovozimiz ulardan balandroq chiqadi. SHuni takidlashni istardimki Xitoy bilan o'yinga faqat Brisbendagi emas balki butun Avstraliyadagi yurtdoshlarimiz tashrif buyurishlari kutilmoqda. Kuni kecha Mirjalol Qosimov yana bir nabiralik bo'ldi. Nasib qilsa Xitoyni mag'lub etsak ushbu g'alaba chaqaloqqa bag'ishlanadi”, - deydi Abdurahmon Fozilov.

Narzulla Saydullaev
Sidney