Abdumalik Hakimov: "Oq-tepa" 1-ligada hurmatiga ega jamoa"
26 apr 2016 18:35
Yangiliklar
![](https://championat.asia/upload/storage/206178_original.jpg)
![](/upload/storage/206178_220.jpg)
Abdumalik Hakimov: "Oq-tepa" 1-ligada hurmatiga ega jamoa"
O'zbekiston Birinchiligining 5-turidan o'rin olgan "Cementchi" - "Oq-tepa" uchrashuvidan keyin mezbonlar ustozi Abdumalik Hakimovning fikrlari bilan qiziqdik.
- "Oq-tepa" 1-ligada hurmatiga ega jamoa hisoblanadi. SHuning uchun bu raqibga qarshi o'yinga alohida tayyorgarlik ko'rgandik. Safardagi ikki o'yinimizda durang qayd etganimiz bois, bugungi bahsga futbolchilarni jiddiy tayyorlagan edik. Raqib jiddiyligini bilardik. Tarkibida oliy liga havosidan bahra olgan tajribali o'yinchilar bor. Biroq bugun omad biz tarafda bo'ldi. Qolaversa, g'alabaga yigitlardagi ishtiyoq ham sabab bo'ldi. Ochig'i, hisob bunday yirik ko'rinish olishini kutmagandim. Ammo o'tgan yildagi kabi kichik hisob qayd etilishini taxmin qilgandim. "Oq-tepa"ning "Nurafshon"ga qarshi o'yinini ko'rib chiqqandik. Jamoaning ustun va kamchiliklarini alohida o'rganib, futbolchilarga ko'rsatma bergandik", - deydi Hakimov.
O’xshash yangiliklar
![AMP Logo](https://championat.asia/image/logo-amp.png)
Fikrlar