Abdulla Abdullaev: "SHveciya bilan bahsda bildirilgan ishonchni to'liq oqlash uchun harakat qildim"

Aytish kerak, Abdulla ushbu bahsda maydonda yomon harakat qilmadi. Buni futbolchining o'zi ham takidlab o'tdi.

O'yin haqida

- SHveciya bilan o'yin juda ajoyib tarzda kechdi. Bosh murabbiyning bergan har bir ko'rsatmasiga asosan harakat qildik. Raqibimiz juda kuchli edi va shu sababli o'z uslubimizda ham shunga yarasha o'zgarishlar bo'ldi. Umuman olganda, SHveciya bilan bahs qiziqarli kechdi.

SHveciya tarkibi borasida

- Raqibimiz bu o'yinga aralash tarkibni maydonga tushirsa ham, ular kuchli edi. SHveciyada teng kuchli futbolchilar borligi ko'zga tashlandi.

Ko'rsatgan o'yini to'g'risida

- Bildirilgan ishonchni to'liq oqlash uchun harakat qildim. Qanday o'yin namoyish qilganimga bosh murabbiy baho beradi. Albatta, kamchiliklar bo'ldi. Mana shunday jamoaga qarshi bahslar futbolni yanada tarbiyalaydi. Bu o'yin menga katta maktab bo'ldi.