Abdulatif Abduqodirov: “Birinchi liganing eng yaxshi hujumchisi bo'lishimni kutmagandim”

- “championat.asia” saytining doimiy o'quvchisiman. Har kuni ushbu saytga kirib, futbolimizdagi yangiliklar bilan tanishib borishga harakat qilaman. Birinchi liganing “Eng yaxshi hujumchisi” nominaciyasida g'olib chiqqanimni ko'rib, avvaliga xayron bo'ldim. CHunki buni kutmagandim. Albatta bunday etibor har qanday futbolchiga ruhan dalda bo'ladi. O'qib xursand bo'ldim. Sayt ijodkorlariga kattakon rahmat - deya gap boshladi Abduqodirov.

- Ushbu nominaciyada g'olib chiqishingizga sabab birinchi bosqichda “NBU-Osiyo”dagi o'yinlaringiz va jamoa safida kiritgan gollaringizdir. Bu klub sizga tramplin vazifasini o'tab berdi. Fikrimizga ko'shilasizmi?
- CHindan ham “NBU-Osiyo”da o'ynab, u erda o'zimni ko'rsatib, oliy liga jamoasining etiboriga tushdim. “Bankirlar” safida 2,5 yildan buyon o'ynab kelayotgandim. Bu yil birinchi bosqichda 21ta to'p kiritdim. Tabiiyki bunga o'z mexnatlarim evaziga erishdim. Qolaversa jamoadoshlarimning qo'llab-quvvatlashi natijasida gollar urdim.

- “NBU-Osiyo”da o'tkazgan faoliyatingiz to'g'risida nima deysiz?
- Jarohat sababli deyarli yarim yil maydon tashqarisida qolib ketdim. Tabiiyki sport formam ham yaxshi emasdi. Bunday paytda oliy liga jamoalarining etiboriga tushish qiyin. SHunda hech o'ylanib o'tirmasdan, Ilhom Mo'minjonov taklifini qabul qilib, “bankirlar” safiga kelib qo'shilganman. Ilhom aka bilan oldin “Lokomotiv”da birga o'ynaganimiz uchun munosabatlarimiz yaxshi. SHu inson mening avvalgi xolatimga qaytish uchun yordamini ayamadi.

Keyinchalik boshqaruv postiga Muxtor Qurbonov keldi. Bu murabbiy bilan ham yaxshi ishladik. Albatta iliq xotiralar qolgan deb bemalol ayta olaman. Garchi o'z oldiga elitaga chiqish vazifasini qo'ymasada, birinchi liganing doimiy ishtirokchilaridan biri sanaladi. Faqat moddiy jihatdan unchalik maqtana olmaydi xolos. Bu jamoaning kelgusi faoliyatiga omad tilayman.  


Islombek Rustambekov suhbatlashdi.