Abdujamol Isroilov: "Yana ikki oydan so'ng futbol o'ynashim mumkin ekan"

Bugun biz Abdujamol Isroilov bilan bog'lanib, jarohati borasida suhbatlashdik.

Avvalambor, meni qo'llab-quvvatlat turgan muxlislarga minnatdorchilik bildiraman - deydi Abdujamol Isroilov. Jarohat olganimdan so'ng juda ko'p muxlislar qo'ng'iroq qilib, xol-ahvol so'rashdi, ayrimlari kelib ko'rib ketishmoqda. Hozirgi kunda ahvolim yaxshi, olgan jarohatim tufayli o'tkazilgan jarrohlik operaciyasi muvaffaqiyatli yakunlandi. Nasib qilsa yaqin orada tiklanish mashg'ulotlariga kirishaman. SHifokorlarning malum qilishicha, yana ikki oydan so'ng futbol o'ynashim mumkin ekan.

O'z navbatida yaratib berilayotgan sharoit uchun "Navbahor" futbol klubiga rahmat aytaman. Ayni vaqtda futbol o'ynay olmayotgan bo'lsam ham, jamoadoshlarimni qo'llab-quvvatlab turibman. Nasib qilsa, maydonga yanada kuchliroq bo'lib qaytaman. "Andijon" jamoasiga qarshi kechadigan uchrashuvda "Navbahor"ga omad tilayman, vodiy derbisi juda qiziqarli o'tishi aniq.

Bekzod Tolibov yozib oldi.