Abbos Maxsitaliev: "Yurtboshimiz ishonchiga munosib javob qaytarish navbati endi bizniki"

Maxsitaliev Abbosbek Muhammadalievich, "Paxtakor” professional futbol klubi azosi:

Har gal jahonning eng katta stadionlaridagi o'yinlardan keyin jamoadoshlarimiz bilan bizda ham shunday zamonaviy stadionlar bo'lishini orzu qilgan vaqtlarimiz ko'p bo'lgan. Mana, Prezidentimizning g'amxo'rligi bois bu orzuimiz ham amalga oshdi. Ular tashabbusi bilan qurilgan "Bunyodkor” stadioni bugun ko'plab xorijlik futbolchilarning ham havasini keltiryapti.

Davlat mukofoti sovrindorlari qatorida aytmoqchimanki, Yurtboshimiz ishonchiga munosib javob qaytarish navbati endi bizniki, biz ularning ishonchini oqlab, yaqin yillarda jahon chempioni bo'lish uchun bor kuchimizni ishga solamiz.