3-savatchadamiz. J.Koreya yoki Yaponiyadan biri bizning guruhda bo'lmaydi!

Mart oyining so'nggi uchrashuvlari yakuniga etganidan so'ng bizda FIFA reytingining oyga doir jadvali malum bo'ldi. Unga ko'ra uchinchi bosqichga yo'l olgan jamoalar tarkibida jiddiy o'zgarish bo'ladi. 6-o'rindan joy olib turgan Avstraliya ikkinchi o'ringa ko'tarildi. Saudiya Arabistoni esa bugungi durangdan so'ng beshinchi o'rindan joy oldi. Agar terma jamoa g'alaba qozonganida ular ikkinchi o'ringa chiqib olardilar. Bunday holda biz bilan bir savatchadan Yaponiya terma jamoasi o'rin olgan bo'lardi. Bugungi vaziyatda esa arablar O'zbekiston bilan bitta savatchadan joy oladigan bo'lib turibdi. Yaponiya va Janubiy Koreya esa bitta savatchadan joy oldilar. Bu esa ulardan birigina bizning guruhdan joy oladi degani.

Demak, savatchalar quyidagicha ko'rinish olgan:

1-savatcha: Eron (629 FIFA reytingidagi ochkosi) va Avstraliya (601)

2-savatcha: Janubiy Koreya (579) va Yaponiya (577) 

3-savatcha: Saudiya Arabistoni - (559) va O'zbekiston (549)

4-savatcha: BAA (521) va Xitoy (423)

5-savatcha: Qatar (416) va Iroq (333)

6-savatcha: Suriya (316) va Tailand (297)

Bunday holatda biz uchun eng maqul guruh quyidagicha ko'rinish olishi lozim bo'ladi: Eron, Janubiy Koreya, O'zbekiston, Xitoy, Iroq, Suriya. Orzuga ayb yo'q, barchasini qura tashlash marosimi kuni bilib olamiz!