So’nggi yangiliklar

14:40Санчо Рэшфорднинг "Астон Вилла"га ўтганига муносабат билдирди  0 14:28ПФЛга мурожаат. Про лигадаги сукунат қачон тугайди?  0 14:11"Сурхон" ПФКга янги Бош директор тайинланди  0 13:23"Фулхэм" "Рома" футболчисини ижарага олмоқчи  0 12:55"Ал Гарафа" - "Пахтакор". Ўзаро ўйинларда устунлик Қатар клубида  6 12:37Жон Стоунз: "Арсенал"га қарши ўйин учун мухлислардан кечирим сўрайман"  2 12:13Аёллар футзали. Ўзбекистон терма жамоаси CAFA мусобақасини Эронга қарши ўйин билан бошлайди  0 11:57Хосеп Гвардиола Ҳусановнинг вазияти ҳақида гапирди   14 11:29"Насаф" Туркияга учиб кетди  2 10:52Рамос янги жамоасида қанча ойлик олиши маълум  2 10:19«Навбаҳор» футболчилари Суперлига-2025 қуръаси ҳақида фикр билдирди  2 09:45Клаудио Раньери кечаги учрашувда нега асосий таркибда ўзгаришлар қилганини тушунтириб берди  13 09:13Sofascore. Кечаги учрашувда «Ман Сити» ҳимоячилари неча баҳо олишди?  16 08:40Sofascore. Шомуродов ва унинг жамоадошлари «Наполи»га қарши неча баҳога лойиқ кўрилди?  12 08:13Расман. Маркус Рэшфорд МЮдан кетди  13

20 yildan beri to'xtamayotgan jizzaxlik afsona Yangiliklar

20 yildan beri to'xtamayotgan jizzaxlik afsona

Jismoniy holat masalasi futbolimizning og'riqli nuqtalaridan biri bo'lib, xalqaro maydonda ko'p bor pand bergan.

SHu tufayli o'zbek futbolidagi o'rtacha yosh Evropa yoki SHarqiy Osiyo mamlakalariga nisbatan past. Bu aksar hamyurtlarimizning sport formasi 30 yoshdan keyin "o'lib qolishi"da ko'rinadi. Biroq, mustasno holatlar ham yo'q emas.

Ulug'bek Baqoev Jizzaxda raqobatbardosh jamoa qurishni uddaladi. "So'g'diyona"ni kuztganlar jamoaning o'yini tajribali Jasur Hasanovning atrofiga qurilganini tezda ilg'ashadi. Hujumlarning 70 foizi aynan u orqali tashkil qilinadi. Umuman olganda, har qaysi futbolchi yil o'tgani sayin aqllilashib, maydonni yaxshiroq ko'rishi, "maestro"ga aylanishi tabiiy hol. Ammo, Hasanovning tezligini ham alohida takidlash kerak.

Xabaringiz bor, Jazzax klubi kecha Dushanbening "Istiqlol"ini mag'lub qildi. 70 daqiqaga yaqin maydonda bo'lgan Hasanov o'z ananasiga sodiq qolgani holda tinim bilgani yo'q. 1-taymda bir necha bor 20 yoshli Vaxdat Xanonovni tezlikda ortda qoldirgan bo'lsa, 2-bo'limning 13-daqiqasida Daler Imomnazarovdan o'zib ketdi va SHohruz Norxonovning goliga qoyilmaqom tarzda hammualliflik qildi.

Malumot uchun, Jasur Hasanov tez orada 38 yoshni qarshi oladi. Kecha unga qarshi o'ynaganlardan darvozabon Muxriddin Hasanov, himoyachilar Vaxdat Xanonov va Manuchehr Safarov, oldingi chiziq vakillari Alisher Zoirov, Rustam Soirov hamda SHervoni Mabatshoevlar Jasur katta futbolda debyut qilganida hali tug'ilishmagan edi.

Odatda Zlatan Ibragimovich, Xaver Zanetti yoki Rayan Giggz singari futbolchilarning katta yoshda ham yuqori templi o'yinlarda yo'qolib qolmagani haqida gap ketsa, hayratimizni yashirolmaymiz. Lekin, shu ishni o'zbek futbolida takrorlaganlar ko'pincha etibordan chetda qoladi. Hasanov 10 kunda keyin 38 ga to'lishi haqida aytdik. Deyarli barcha tengdoshlari allaqachon sport bilan xayrlashib, muxlislar xotirasidan chiqishga ham ulgurgan bo'lsa-da, jizzaxlik yarim himoyachi hozircha bu haqda o'ylamayapti.

"Istiqlol" bilan o'yindan keyin uning o'zi sport formasi haqidagi savolga shunday javob qaytardi:

"Bizda yulduz degan tushunchaning o'zi yo'q. Jamoada barcha birdek mehnat qiladi, yuguradi. Jismoniy holatimni meyorda ushlash uchun mashg'ulotda 2 hissa kuch bilan harakat qilaman. Buning hech qanday dieta yoki vitaminlar bog'liq siri yo'q. Faqat mehnat. Oxirgi paytlarda ko'pchilik faoliyatimning yakuni to'g'risidagi savollar bilan murojaat qilyapti. Yo'q, hozir kuchim bor va bu haqda o'ylamayapman. Xudo xohlasa, yana 4-5 yil birga bo'lamiz".

Hasanov deganda kishining xayooliga tezlik keladi. U har doim shu hislati bilan boshqalardan ustun edi. "Bunyodkor"dagi reydlari, Rivaldo-yu Vilyanuevalarni golli uzatmalar bilan taminlab yurgan kezlari yodingizda bo'lsa kerak. Oradan 10 yil o'tdi. Umuman olganda, u katta futbolda yugurishni boshlaganiga 21 yil bo'ldi. Jasur Hasanovning hanuz farzandi tengi yigitlardan tezroq yugurayotgani tahsinga sazovor. Tajribali yarim himoyachining muvaffaqiyatlarini ko'proq futbolga bo'lgan mehr va ishtiyoq bilan bog'lash to'g'ri bo'lardi. Bu ikkalasi esa quyida suratda o'z ifodasini topgan↓↓↓

foto: Tolibjon Qosimov

P.s. Tez orada Jasur Hasanov bilan katta intervyu tashkillashtirishni reja qilganmiz. Umid qilamizki, 38 yoshda ham to'xtash nimaligini bilmayotgan jizzaxlik afsona yosh hamkasblariga kerakli motivaciyani bera oladi.

"Qashqirlar makoni"dagi Aktamov yoxud "Qizilqum"ning favqulodda porlashi

Muallif :
Reyting: +46   

Fikrlar

championat.asia
< so’nggi yangiliklarni ko’rish
Яндекс.Метрика