17 aprel kuni JCH-2022 saralash bosqichiga qura tashlanadi, jamoalar orasida O'zbekiston yo'q
15 apr 2019 14:17
Yangiliklar

17 aprel kuni JCH-2022 saralash bosqichiga qura tashlanadi, jamoalar orasida O'zbekiston yo'q

OFK shtab-kvartirasida jahon chempionati birinchi saralash o'yinlariga qura tashlash marosimi o'tkaziladi.

Qura marosimi 17 aprel kuni bo'lib o'tadi. Malumki, 2022 yilgi jahon chempionati Qatarda o'tkaziladi. Iyun oyidan boshlab esa dastlabki saralash o'yinlari start oladi. Saralash bosqichining birinchi raundida FIFA reytingiga ko'ra Osiyo bo'yicha 35-46 raqamdagi jamoalar ishtirok etadi.

Bu jamoalar - Malayziya, Kambodja, Makau, Laos, Butan, Mo'g'uliston, Bangladesh, Guam, Bruney, Timor-Leste, Pokiston va SHri Lanka. Ko'rib turganingizdek, saralash uchrashuvlarining birinchi raundida 12ta jamoa o'zaro bahs olib boradi. Uy-mehmon tarzida o'tadigan bahslardan so'ng 6ta jamoa keyingi bosqichga yo'l oladi.

O'zbekiston milliy terma jamoasi saralash bosqichini 2-raunddan boshlaydi. Ikkinchi raund bellashuvlari sentyabrda boshlanadi. Bunda FIFA reytingiga ko'ra Osiyo bo'yicha 1-34 o'rindagi jamoalar, shuningdek birinchi raunddan muvaffaqiyatli o'tgan 6ta jamoa, jami 40ta terma jamoa ishtirok etadi.

Havola :

Manba : championat.asia

Yangiliklarni Telegramda o'qing!

Reyting: +45