Tiago Silva: "Chelsi" va PSJdan cheksiz minnatdorman"

40 yoshli braziliyalik 2020 yildan 2024 yilgacha London jamoasida o'ynagan va ular bilan Chempionlar Ligasida g'olib chiqqan. Agar "Fluminense" KJCH finalida o'zi 8 mavsum harakat qilgan PSJ bilan to'qnash kelishi mumkin.

"Ha, bu ko'p narsani anglatadi. Xudoga shukrki, men bu ikki klubda ("Chelsi" va PSJ) ajoyib damlarni o'tkazdim. Hozir esa faoliyatimning so'nggi bosqichida ham qo'limdan kelganicha jamoaga yordam berib, muhim daqiqalarni boshdan kechirmoqdaman.

Agar "Chelsi"ni musobaqadan chiqarib yubora olsak, ularga bo'lgan muhabbatimni qayd etgan holda, o'zgacha ahamiyatli bo'lardi deb aytolaman. Biz bir-birimizga duch kelib qoldik, nachora faqat g'alaba haqida o'ylashga majburmiz. Bu o'yindan so'ng avtomatik tarzda “Chelsi”ga, JCHdan keyin esa PSJga muxlislik qilaman. Va har doim shunday bo'lib qoladi, chunki men bu klublardan cheksiz minnatdorman. O'z imkoniyatlarim doirasida hamma narsani qilaman va buni "Fluminense" uchun qilishda davom etaman. Umid qilamanki, biz finalga chiqa olamiz", – dedi Silva.

Jamoalar o'rtasidagi o'yin bugun, 8 iyul kuni Ist Rezerfordda o'taziladi. Uchrashuv Toshkent vaqti bilan 00:00 da boshlanadi.