SHomurodov Dohaga uchdi, SHukurov SHarjada qoldi

Futbolchilarimiz musobaqaning 1/8 finalida Avstraliyaga qarshi tengma-teng kurash olib borib, faqat penaltilar seriyasida mag'lub bo'lishdi. Bugun tush payti terma jamoamiz delegaciyasini o'z bag'riga olgan samolyot SHarjadan Toshkent sari parvoz qildi.

Legionerlardan Eldor SHomurodov Qatar poytaxti Dohaga yo'l olgan bo'lsa, Otabek SHukurov SHarjada qoldi. Ayni paytda SHomurodov to'p tepayotgan "Rostov" Dohada mavsumning ikkinchi qismiga hozirlikni davom ettiryapti va hujumchimiz buyog'iga jamoasi tarkibida bo'ladi.

Otabek SHukurov esa "SHarja" klubi mashg'ulotlariga qo'shiladi. Malumki, "SHarja" BAA chempionati turnir jadvalida birinchi o'rinda boryapti va ikkinchi davrada har bir bahs nihoyatda muhim ahamiyat kasb etadi. SHu bois jamoa bosh murabbiyi SHukurovni tezroq mashg'ulotlarga kelib qo'shilishini xohladi.