Murabbiylikda omadi chopmagan Runi Jeyk Pol bilan boks tushmoqchi

Angliyalik sobiq futbolchi Ueyn Runi "Birmingem" bosh murabbiyiligidan istefoga chiqarilgach, o'zini boks sport turida sinab ko'rishi mumkin. 

38 yoshli mutaxassis bir martalik boks jangida qatnashishga qiziqib qolgan va "Misfits Boxing" promouterlik kompaniyasi bilan aloqaga chiqqan.

SHuningdek, "Matchroom Boxing" promouterlik kompaniyasi etakchisi Eddi Xirnning fikricha, Ueyn Runi boks jangida amerikalik bloger va bokschi Jeyk Polni mag'lub eta oladi:

"Runini havaskor bokschi desa ham bo'ladi, u o'zini qanday tutishni biladi. Men uning Jeyk Pol bilan jangini ko'rishni istardim. "Old Trafford"da Ueyn Runi Jeyk Polga qarshi... Bu juda katta voqea bo'ladi va men Runi g'alaba qozonishi tarafdoriman".