Lushan "So'g'diyona"ga kimlarni taklif qilmoqda?
24 jan 2019 19:58
Yangiliklar

Lushan "So'g'diyona"ga kimlarni taklif qilmoqda?

Teglar : So'g'diyona

Xabaringiz bo'lsa kerak, Jizzaxning "So'g'diyona" jamoasi Toshkentda yig'in o'tkazmoqda.

Bosh murabbiy Sergey Lushan selekciya jarayonida asosiy etiborni hozircha yoshlarga qaratmoqda. Xususan, o'tgan mavsum "Neftchi" tarkibida xarakat qilgan jizzaxlik iqtidorli hujumchi Doston Toshmatov "So'g'diyona" mashg'ulotlarida ishtirok etmoqda. Takidlash lozimki, 25 yoshli futbolchi bugun "Andijon"ga qarshi kechgan nazorat uchrashuvida o'z hisobiga bitta gol yozdirib qo'yishga erishdi.

Undan tashqari o'z vaqtida "Paxtakor" safida kelajagi porloq o'yinchi sifatida etirof etilgan markaziy yarim himoyachilar - Jamshid Boltaboev bilan Javohir Sohibov ham ayni damda jizzaxliklarning o'quv-yig'in mashg'ulotlarida ishtirok etmoqda.

Sergey Ivanovich PRO-Liga klubdlaridan ham bir nechta o'yinchilarni jamoasiga taklif etgan. Yani, "Mashal" himoyachisi Iskandar SHoyqulov, "Surxon"dan Daniel Nasriddinov hamda "Nurafshon"dan Murod Rajabov hozirda "So'g'diyona"da qolish uchun astoydil ter to'kmoqda.

Yana shuni ham aytish lozimki, o'tgan mavsumning birinchi qismi yakuniga etgach, jamoa bilan xayrlashgan iqtidorli darvozabon Dilshod Hamroev yana "So'g'diyona" safiga kelib qo'shilgan.