A Seriya, 31-tur
“Yuventus” - “Jenoa” 2:0
Gollar: Bremer 4, MakKeni 17.
Turindagi "Alyanc" stadionida kechgan bahs "byankoneri"ning 2:0 hisobidagi g'alabasi bilan yakunlandi. Uchrashuvni Davide Massa boshqarib bordi.
Maydon egalari o'yinni juda faol boshlashdi. Hali 4-daqiqadayoq Bremer hisobni ochib, turinliklarni oldinga olib chiqdi. 17-daqiqada esa Ueston Makkenni oradagi farqni ikkitaga oshirishga muvaffaq bo'ldi.
Mehmonlarda hisobni qisqartirish uchun qulay imkoniyat yuzaga kelgan edi. Biroq 75-daqiqada Aaron Martin penaltidan unumli foydalana olmadi.
Ushbu g'alabadan so'ng "Yuventus" o'z ochkolarini 57 taga etkazib, turnir jadvalida 5-o'rinda bormoqda. 33 ochkoga ega "Jenoa" esa 14-pog'onani egallab turibdi.
