“Rossonerilar” himoyachisi Leonardo Bonuchchining sobiq jamoasiga urgan goli “Yuventus”ning quruq seriyasiga chek qo'ydi. Turinliklar o'z darvozalaridan chempionat bahslarida 959 daqiqadan beri gol o'tkazmay kelishayotgandi.
Bu A Seriya tarixidagi ikkinchi natija hisoblanadi. Bundan avvalgi rekord ham aynan “Yuventus”ga tegishli edi. Turinliklar 2016 yilning boshida o'z darvozalari daxlsizligini 974 daqiqa saqlab turishgandi.
