UZ

Сўнгги янгиликлар

14:08"Вулверхэмптон" Кессьега қизиқишни давом эттирмоқда  0 13:45Спортчилар ижтимоий тармоқларда  0 13:43“Пахтакор”да тўп тепган, Сурхондарё футболининг юлдузи Марат Кабаев 59 ёшга тўлди  2 13:34Остон Ўрунов ва "Уфа"нинг машғулотларидан суратлар  1 13:17Хитойлик футболчи: "Терма жамоа йиғин ўтказгани яхши бўлди"  0 13:10Карикатура: МЮ 1999 йилда "Бавария"ни мағлуб этган ҳолда, ЕЧЛ совринини боши узра баланд кўтарган эди  1 13:06Африка Миллатлар кубоги 2022 йилга кўчирилади  0 12:57Терма жамоада дебют ўйинида гол урган, Абрамов томонидан қайта кашф қилинган Санжар Қодирқуловни табриклаймиз  1 12:31"Манчестер Юнайтед" мухлислари учун хушхабар  10 12:21Сардор Азмун Вильмотсни танқид қилди  4 12:17Биглия Мессини Қатардаги ЖЧда кўришдан умидвор  1 11:54Каземиро "Реал" билан тузган шартномасини 2023 йилга қадар узайтирди  0 11:46Карикатура: Масофа сақланг. "Бавария"га энди ҳеч ким яқинлаша олмайдими?!  9 11:33Olamsport: Холифилд нима учун Тайсонни жангга чақирмайди?, “Хабиб Тони қилган хатони такрорламайди” ва бошқа хабарлар  0 11:30Карикатура: Пьянич фаолиятини қайси клубда давом эттиради?  2

Янгиерга футбол баҳори қайтмоқда! Янгиликлар

Янгиерга футбол баҳори қайтмоқда!

Теглар :  ЯнгиерПРО-лига
Янгиер шаҳрини – нафақат мамлакатимизда балки собиқ Иттифоқда ҳам кўпчилик яхши билади.

Чунки ўз вақтида қўриқ вилоятнинг “Янгиер” жамоаси республиканинг етакчи клубларидан бири бўлганлиги ҳеч кимга сир эмас. Бироқ сўнгги йилларда молиявий муаммолар боис “Янгиер” клуби ўз фаолиятини вақтинчалик тугатганди. Юртбошимиз томонидан амалга оширилаётган кенг кўламли ислоҳотлар Янгиер шаҳри ва унинг ўз тарихига эга жамоасини четда қолдирмади. 

Янгиер уйғониш даврини бошидан кечираяпти. Бугунги кунда шаҳарда олиб борилаётган кенг кўламли ишлар таҳсинга лойиқ. Давлатимиз раҳбарининг қарори асосида шаҳарда Саноат зонаси ташкил этилди. Бунинг натижасида шаҳарга хорижий инвестициялар жалб қилинмоқда. Шаҳарга кираверишдаги марказий чорраҳада “Артел” супер маркети иш бошлади. Замонавий талаблар асосида қад кўтараётган Янгиер деҳқон бозори шаҳар кўркига кўрк қўшади. Шаҳарнинг хамма кўчаларига замонавий ёритгичлар ўрнатилганки – кечалари ҳам куппа-кундузи юргандек, сиз.

“Янгиер” футбол клуби узоқ тарихга эга. Ҳеч қандай муболағасиз кўз ўнгингизда афсонавий жамоа гавдаланади. Ўз даврида ушбу клуб шарафини кўплаб ўзбек футболи юлдузлари ҳимоя қилишганки, уларнинг номлари ҳали-хануз футбол ишқибозлари қалбида, дилида, юрагида яшайди. Эътибор беринг, Ўзбекистонда ҳизмат кўрсатган мураббийлар: И.Тазетдинов, Я Капров, В Виткалов, Степанов, Ниделкинлар моҳир футболчилар С. Стадник, Б.Абдураимов, Г.Имамов, Н.Куликов, ака-ука Гаголкинлар А.Асташев, К.Мўминов ва ҳоказо. Бу рўйхатни узоқ давом эттириш мумкин... 

Аммо Сирдарё вилоятидан бирорта футбол жамоанинг Республика миқёсидаги мусобақаларда иштирок этмаслиги маҳаллий мухлислар қалбини бироз ҳира қилаётганди. Аслида шаҳарда олдиндан мукаммал ишланган футбол инфраструктураси мавжуд. Бунга табиий қопламали ажойиб марказий стадион, футбол базаси, овқатланиш ва ювиниш хоналари, сунъий қопламали стадионни мисол қилиб кўрсатиш мумкин. Ўзбек футболининг ҳақиқий жонкуярларидан бири Баҳром Давлатовнинг сайъи-ҳаракатлари билан “Янгиер“ клубининг аввалги шон-шуҳратини қайта тиклаш йўлида диққатга сазовор ишлар олиб борилмоқда. Шу орқали ушбу мавсумда “Янгиер” Про-Лигада қатнашади. 

Шубҳасиз, клубнинг қайта тикланиши, футбол соҳасидаги ишларнинг тубдан ўзгараётганлиги ушбу инсон номи билан чамбарчас боғлиқ. Таниқли футбол билимдони иқтидорли футболчиларни кашф қилиш, уларни тарбиялаш ва етук футболчи бўлишларида қўшганлиги алоҳида таҳсинга лойиқ. Маълумотларга кўра, ташкил этилаётган клубга асосан маҳаллий ёшлар жалб этилган. Тўғриси, қўриқ вилоят иқтидорларга бой. Уларнинг маҳоратларини сайқаллаш борасида ЎФА қошида ташкил этилган Янгиер БЎФАси, ҳамда вилоят Олимпия захиралари коллежида футбол гуруҳлари мавжуд. Вилоят футболидаги ижобий ўзгаришлар маҳаллий мутасаддилар назаридан четда қолаётгани йўқ. 

Масалан, “Янгиер” футбол клуби қароргоҳининг сунъий қопламали майдонида “Янгиер” ҳамда “Зомин” футбол клублари ўртасида ўртоқлик учрашуви ўтказилди. Мазкур қарама–қаршиликни Сирдарё вилоят ҳокими Ғ.Мирзаев ҳамда ва Янгиер шаҳар ҳокими И.А.Хўжаев бирга чамаси 400 – 500 нафар футбол ишқибози катта қизиқиш билан учрашувни бевосита кузатишди. Учрашув бўлиб ўтиши тўғрисида ҳеч қандай хабар ёки маълумотлар тарқатилмаганди. 

Янгиерлик ашаддий мухлислар катта футболни соғинишгани бор гап. Улар эса ўз анъаналарига содиқ бўлган чиройли ўйинлари билан гранд жамоаларини ҳам қўрқита оладиган, ўзбек футболига кўплаб номларни бера оладиган ҳақиқий жамоа кўришни исташади.

Алижон Жабборов

Рейтинг: +15   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг