UZ

“Хотира-79” кеча Уйчи туманида эмас, Наманган шаҳрида ўйнади. Нега? Янгиликлар

“Хотира-79” кеча Уйчи туманида эмас, Наманган шаҳрида ўйнади. Нега?

Маълумки, кеча ПРО-Лиганинг “Б” гуруҳида 23-тур ўйинлари бўлиб ўтди.

Молиявий инқирозларни бошдан кечираётган “Хотира-79” бир амаллаб ПФЛ олдидаги қарзларини маълум миқдорда тўлашга эришди.

Шу боис Ўзбекистон Профессионал Футбол Лигаси Уйчи тумани жамоасига 23-турда иштирок этишига руҳсат берган. Олинган маълумотларга кўра, бир кун олдин ҳам футболчиларга “Ифтихор” билан ўйнаш ёки ўйнамаслик ҳақида аниқ гап айтилмаган. Шу боис “Хотира-79” ўйинчилари учрашуви куни тушликдан сўнг тўғри Наманганда йиғилган. Шунга қарамай Камол Жўнашев шогирдлари “Ифтихор”ни 1:0 ҳисобида мағлубиятга учрата олди. Яхши биласиз, “Хотира-79” Наманган вилоятининг, Уйчи тумани жамоаси ҳисобланади. Бироқ кеча жамоа рақибини Наманган шаҳридаги “Баркамол авлод” стадионида қабул қилди.

“Хотира-79” жамоаси расмийлари билан бу борада суҳбатлашганимизда, Уйчи туманидаги “Пахтакор” стадионида бугун мустақиллик байрами ўтказилиши муносабати билан тайёргарлик ишлари олиб борилаётган экан. Шунинг учун “Хотира-79” – “Ифтихор” беллашуви Наманган шаҳрига кўчирилган.
Лекин ўйин олдидан бу борада ҳеч қаерда эълон берилмади. Табиийки Уйчи туманидаги мухлислар ҳам учрашувга оз муддат қолганида хабардор бўлган.

Рейтинг: -2   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг