Мураббийнинг сўзларига кўра, ҳозир бу ҳақда гап-сўз йўқ.
"Мен Мессининг "Барселона"даги босқичи тугамаганига ишонаман. Менимча, бундай инсон иккинчи, сўнгги имкониятга лойиқ, аммо бу кейинги йил. Ҳозир унинг бошқа клуб билан шартномаси бор", – дея фикр билдирди Хави.
35 ёшли Месси 2005 йилдан 2021 йилгача “Барселона”да ўйнаган. У жамоа сафида барча мусобақаларда 776 та ўйин ўтказиб, 670 та гол урган ва 302 та голли узатмани амалга оширган. Ҳужумчининг ПСЖ билан келишуви 2023 йилнинг ёзига қадар амал қилади.
