Виктор Карпенко “Навбаҳор”да
12 фев 2016 11:34
Янгиликлар

Виктор Карпенко “Навбаҳор”да

Бундан бироз вақт олдин “Навбаҳор” жамоаси аъзолари бугунга режалаштирилган эрталабки машғулотларни якунига етказишди.

Кеча айтиб ўтканимиздек, бугун таркибга янги футболчилар келиб қўшилишди. Мухлисларимизга кўпроқ Тошкентнинг “Бунёдкор” клубидаги иштироки орқали яхши таниш бўлган Виктор Карпенко бугун “Навбаҳор” футболчилари истиқомат қилаётган меҳмонхонага етиб келди ва машғулотда иштирок этди. Карпенко 2015 йилги мавсум биринчи ярмини Ғузорнинг “Шўртан” жамоасида ўтказиб, давралар оралиғида “Бунёдкор” сафидан ўрин олганди.

Бундан ташқари ўтган икки мавсумни жамоамизда ўтказган дарвозабон Хуршид Хўжаев ҳам яна “Навбаҳор”га қайтди. Ушбу посбон мавсумлар оралиғида аввалига “Андижон” машғулотларида қатнашиб, кейин “Шўртан” йиғинига қўшилганди. Кечки машғулотда ҳам таркибга янги футболчини қўшилиши кутилмоқда. Бу ҳақда кечқурун хабар бериб ўтамиз.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: +2