Вернер "Лейпциг" тарихига кирди

Германия Бундслигасининг саккизинчи туридан ўрин олган учрашувда “Лейпциг” ўз майдонида “Бохум”ни қабул қилди. “Буқалар” 4:0 ҳисобида ишончли ғалабани тантана қилишган баҳсда ҳужумчи Тимо Вернер иккита гол урди.

Манбанинг хабарига кўра, 26 ёшли ҳужумчи "РБ Лейпциг" тарихида жамоа сафида 100 та гол урган биринчи футболчига айланди.

Тимо ўтган ёзда немис клубига қайтганди. У Лондоннинг “Челси” клубидан 20 миллион еврога сотиб олинди. Вернер "буқалар" билан 2026 йилнинг ўрталарига қадар мўлжалланган узоқ муддатли шартнома тузди.

Ҳужумчи Бундеслиганинг жорий мавсумида 7 та ўйинда майдонга тушиб, 3 та гол урди ва битта голли узатмани амалга оширди.