Венгер: "Ливерпуль"нинг Суарес бўйича қарорини ҳурмат қиламан"

"Канонирлар" Луис учун 40 миллион фунтлик таклиф билан чиқишганди. Футболчининг ўзи ҳам Чемпионлар Лигасида иштирок этаётган клубдан таклиф тушса уни қабул қилмоқчи эканини таъкидлаганди.

Шундай бўлсада, ливерпулликлар футболчи сотилмаслигини таъкидлашди. Клуб хўжайини Жон Генри ҳам "Арсенал" ҳар қандай сума таклиф қилмасин Суарес клубда қолишини айтиб ўтди.

Венгер эса агар "Ливерпуль" футболчини сотмоқчи бўлмаса, унда "Арсенал" бу борада ҳеч нарса қила олмаслигини айтди.

"Трансфер амалга ошиши учун уч томоннинг розилиги керак: ҳаридор, сотувчи ва футболчининг ўзи.

"Биз нимани хоҳлаётганимизни биламиз. Футболчи нимани ситаётганини ҳам. "Ливерпуль" эса айни вақтда рози эмас. Улар ўз фикрини ўзгартирадими, йўқми, бунисини ҳозирча билмайман. Бироқ уларнинг ҳар қандай қарорини ҳурмат қиламиз", дейди Венгер.