UZ

Сўнгги янгиликлар

13:10Эмери: "Венгер ПСЖни бошқара олади"  1 12:55Монтелла: "Барса"да ўзга сайёраликлар ўйнайди"  6 12:43Манчестер жамоалари бир футболчи учун курашмоқда  0 12:27ОФК: "Локомотив" 51 бора "подача" қилиб ҳам плей-оффга чиқа олмади"  5 12:14Месси бу натижани қайд этган иккинчи футболчи  7 11:58Неймар: "Хайр, қўлтиқтаёқлар"  8 11:45Эррера: "Яна финалдамиз"  8 11:33Шаҳрам Ғиёсов ва Муроджон Аҳмадалиев иштирокидаги жангларни томоша қилинг ВИДЕО  2 11:26Даҳшат! "Монако" сўнгги 123 дақиқада нечта гол ўтказиб юборганини биласизми?  3 11:15Хайнкес "Бавария" учун энг керакли жиҳатни айтиб ўтди  11 11:04Суперлига. “Нефтчи” ва “Сўғдиёна”нинг аҳволи оғир. “Локомотив” ва “Навбаҳор” ўзини ўнглаб олди  39 10:54"Барселона" салкам 1 асрлик натижасини янгилади  16 10:33АПЛ - Ибрагимович ҳақида: "У келди, у кўрди, у Златан" ВИДЕО  3 10:22"Барселона"га кубокни топшириш маросимидан ФОТОГАЛЕРЕЯ  11 10:06Андрес Иньеста: “Келажагим ҳақида келаси ҳафта қарор чиқараман”  9

Улар Мбаппенинг издоши бўла олишадими? Янгиликлар

Улар Мбаппенинг издоши бўла олишадими?

Қуйидаги баъзи футболчилар аллақачон Европада танилишга улгурди.

Аммо қай бири чинакамига машхур “юлдузга” айлана олади? Буни албатта вақт кўрсатади. Ҳозир эса улар ҳақидаги қисқача маълумотлар билан таништирамиз.

10. Эсекиэль Барко — “Индепендьенте”
18 ёш, ярим ҳимоячи
Барко — тезкор, аниқ зарба берувчи ва ажойиб дриблингга эга ярим ҳимоячи. Эсекиэль 17 ёшида илк бор “Индепендьенте” таркибида иштирок этган ва дарров кўпчиликнинг эътиборига тушган. Ёзда “Зенит” ҳам унга “кўз олайтирган” эди, бироқ аргентиналиклар ўз “юлдуз”ларини қўлдан чиқармасликка ҳаракат қилишди. Барко универсал ўйинчи бўлса-да, тўпни оширмасдан, ўзида кўп ушлаб туриши унга баъзида панд беради. Шунинг учун ҳали ўз устида кўп ишлаши керак.

9. Лаутаро Мартинес — “Расинг”
20 ёш, ярим ҳимоячи
Тез орада Европага йўл олиши режалаштирилган Жанубий Америкалик яна бир ажойиб хавбек Лаутаро Мартинесдир. У Авельянеда шаҳрининг “Расинг” клубининг асосий қаҳрамони ҳисобланади. Лаутаро Криштиану Роналдуни ўз кумири деб билади. У ҳам кумиридек тезкор, қаттиқ ва аниқ зарба берувчи футболчи бўлишни хоҳлайди. Мартинеснинг заиф томони — тўпни ошириш. У тўпни яхши олиб юради, яккама-якка ҳам яхши ўйнайди. Аммо тезкор ҳаракатлар давомида аниқ пас бериш унга бироз қийинчилик туғдирмоқда, назаримизда.

8. Микаэль Кюйсанс — “Боруссия” М
18 ёш, ярим ҳимоячи
“Боруссия” Кюйсансни U17 Европа Чемпионатидан сўнг “Нанси”дан “тортиб олди”. Микаэль ақллилиги ва ажойиб узатмалари билан Дитер Хеккиннинг назарига тушди. Франциялик ўйинда ўзини йўқотиб қўймайди, шу сабабли ҳам бош мураббий ёш ярим ҳимоячини иложи борича кўпроқ майдонга тушуришга ҳаракат қилади. Кюйсанс иқтидорли йигит, аммо қанчалик юқори чўққига чиқа олишини албатта, вақт кўрсатади.

7. Якуб Янкто — “Удинезе”
21 ёш, ярим ҳимоячи
“Удинезе” анча йиллардан бери ёш иқтидорли футболчиларни Европа бозорида намойиш этиши кўпчиликка маълум. Навбатдаги ўйинчиси Якуб Янкто. “Милан” ва “Ювентус” чехияликни аллақачон “кўз остига” олиб қўйган. Янкто ҳужумкор ярим ҳимоячи ролида қанчалик яхши ўйнаса, марказда ҳам шунчалик яхши ўйнаши билан ажралиб туради. Бундан ташқари ажойиб дрибблинг ва тўпни яхши ошириш қобилиятига ҳам эга. Якуб — мувозанатни яхши сақлай олади ва топ-клубда ўйнаш учун ҳам деярли тайёр.

6. Фрэнки Де Йонг — “Аякс”
20 ёш, ярим ҳимоячи
Фреэнки “Аякс”нинг ажойиб ўйинчиларидан яна бири. У — яхши техникага эга, тўпни аниқ ошира олиш ва кучли зарбага эга ярим ҳимоячи. Унинг прототипи ҳозирги кунда барча талабларга жавоб бероладиган ўйинчилардан бири Андреа Пирло ҳисобланади.

5. Янн-Фите Арп — “Гамбург”
17 ёш, ҳужумчи
Ҳозирги кунда “Гамбург” жамоаси турнир жадвалининг қуйи поғоналарида “ўралашиб қолди” ва бу “динозаврлар” учун қувонарли ҳолат эмас, албатта. U17 жаҳон чемпионатида Арп Бундестимнинг сардори эди, ёзда “Челси”га ўтиши мумкин эди, лекин она юртида қолишни афзал кўрди. Ёш бўлишига қарамай, 2та гол уришга муваффақ бўлди ва ҳозирда майдонга янада кўпроқ тушяпти. Германияда вояга етмаганлар кечки пайт — 20:00дан кейин ишлаши мумкин эмас эди. Арп ўйинларда майдонга туша олиши учун қонунчиликда ҳам кичик ўзгартириш киритилган.

4. Райан Сессеньон — “Фулхэм”
17 ёш, ҳимоячи
Сессеньон иқтидори ва тезлиги билан 16 ёшидаёқ ном чиқаришга улгурди. Райан — мураббийнинг севимли ўйинчиси. У бу мавсумдаги барча ўйинларда иштирок этиб келмоқда. Сессеньон жарима майдончасига тўпни ҳаводан шунчаки узатавермайди, аксинча у ақллироқ паслар беришга ҳаракат қилади. Ҳужумга берилиб кетиши сабаб, баъзан ҳимояни унутиб қўяр, лекин у жуда иқтидорли футболчи. Агар ўз устида ишласа ва керакли мураббий қўл остида тўп тепса, жаҳон юлдузига айланиши ҳеч гап эмас.

3. Деотшанкюль Юпамекано — “Лейпциг”
19 ёш, ҳимоячи
Ҳозирги вақтда икки мавсумдан бери Германия чемпионатида муваффақиятли иштирок этаётган “Лейпциг” ҳимоясини франциялик футболчисиз тасаввур қилиш қийин. Жисмоний кўрсаткичларга эга бўлган Деё ҳам “иккинчи қаватда”, яъни ҳаводаги курашларда, ҳам ҳимоячилар билан тезкорлик баҳсларида бирдек самарали ҳаракат қила олади. “Милан” ва “МЮ” уни кўз остига олиб қўйган. Шундай экан, яқин кунларда Юпамеканони топ-клубларда кутиб қоламиз. Маълумотларга қараганда, унга таҳминан 100млн евро тўланади. 19 ёшли йигит учун ёмон эмас-а?

2. Тэмми Абрахам — “Суонси”
20 ёш, ҳужумчи
“Суонси” АПЛ турнир жадвалининг энг сўнгги поғонасига мустаҳкам “жойлашиб олди”, лекин кейинги мавсумда жамоа АПЛ билан хайрлашса ҳам, фақат биргина футболчи юқори дивизонда қолади. Гап Тэмми Абрахам ҳақида кетаётганини кўпчилик тушуниб улгирди, албатта. Абрахам “Челси” академиясига 7 ёшида борган ва “ёшлар” жамоаларининг барча босқичларидан ўтган. “Бристол”да ижарада тўп тепган Тэмми, ўзини яхши намоён этган ва ҳозирда шу клубга яна ижарачи сифатида қабул қилинди. Антонио Конте ҳозирча Альваро Моратанинг ўрнида бошқасини тасаввур қилолмайди. Бироқ, Абрахам ўз устида ишласа, келаси мавсумда испаниялик билан тўлиқ рақобатлаша оладиган даражага чиқиши мумкин.

1. Федерико Кьеза — “Фиорентина”
20 ёш, ярим ҳимоячи
Кьеза — Италия трансфер бозоридаги “харидори кўп” футболчилардан бири. Федерико “Фиорентин”да ажойиб даврини ўтказиб, Калиничнинг изидан бормоқда. Бернардески тез орада хамоа билан хайрлашиши мумкин. Федерико бундан унумли фойдаланиб, имкониятни қўлдан чиқармасликка ҳаракат қилмоқда. “Наполи” президенти Аурелио Де Лаурентис “тушларида” Кьезани ўзининг жамоаси таркибида кўрмоқда. Бироқ, унинг трансфери учун яхшигина пул сарфлаш керак.

Нозима Зарипова тайёрлади

Рейтинг: +9   

Фикрлар

championat.asia
< сўнгги янгиликларни кўриш

Энг яхшилар

Суперлига. "Навбаҳор" сўнгги сонияларда гол уриб "Бунёдкор"ни мағлуб этди Суперлига. "Навбаҳор" сўнгги сонияларда гол уриб "Бунёдкор"ни мағлуб этди
Суперлиганинг 7-туридан ўрин олган "Навбаҳор" -...  496
Суперлига. "Бухоро"дан ажойиб камбэк ёхуд Арслонмурод Омоновнинг бенефиси Суперлига. "Бухоро"дан ажойиб камбэк ёхуд Арслонмурод Омоновнинг бенефиси
Суперлигада 7-турдан ўрин олган "Бухоро" - АГМК учрашуви...  260
Суперлига. "Металлург" - "Пахтакор" 0:5 Суперлига. "Металлург" - "Пахтакор" 0:5
Суперлигада 7-турдан ўрин олган "Металлург" -...  137
������.�������

CA ни Facebook да ўқиш
учун "Yoqdi"ни босинг