Avvalroq, portugaliyalik Krishtianu Ronaldu va italiyalik Manuel Lokatelli “Coca-cola” idishlarini chetga surib qo'yishgan bo'lsa, fransiyalik Pol Pogba esa pivoni stoldan olib tashlagandi.
“UEFA barcha musobaqa qatnashchilariga homiylik shartnomalari musobaqaning ajralmas qismi ekanligi va ular Yevropada futbolni, shu jumladan, ayollar va bolalar futbolini rivojlantirish uchun xizmat qilishini eslatib o'tmoqchi”, deyiladi tashkilot bayonotida.
UEFA direktori Martin Kallenning so'zlariga ko'ra, eng katta muammolar Ronalduning harakatlari bilan bog'liq bo'ldi, ammo tashkilotchilar futbolchilar buni o'z qarashlariga asoslangan holda amalga oshirganini to'g'ri tushunadi.
