UZ

Сўнгги янгиликлар

19:25"Арсенал" Ўзилни АПЛ учун эълон қилинган қайдномага ҳам киритмади  0 19:00Элдор Шомуродов дастхати туширилган футбол тўпини ютиб олинг!  0 19:00ПСЖ — МЮ. Сайтимиз ходимлари учрашув натижасини тахмин қилишди  23 18:31Карикатура: ПСЖ - "Манчестер Юнайтед" ўйинида кимнинг ғолиб бўлишини тахмин қилмоқдасиз?  12 18:10"Тоттенхэм" Сонга янги шартнома таклиф қилади  9 17:48Пирло "Ювентус"га "Реал" ярим ҳимоячисини таклиф қилмоқчи  5 17:26Ўзбекистон терма жамоаси нега 6 ноябрь куни йиғилади?   18 17:26Неймарнинг янги ҳомийси Puma унга янги бутсаларни тақдим этди  1 17:11Омар Моманидан карикатура: Бугун ЕЧЛ старт олади  2 17:03Биласизми? "Навбаҳор"нинг ғалабасиз серияси 10тага етди  29 17:02"Ливерпуль" ван Дейкка ўринбосар топди  6 16:40Карикатура. Клопп: "Биз ван Дейкни яхши рафиқа эрини қамоқдан қайтишини кутгандек кутамиз"  14 16:33ЕЧЛ: МЮ Парижда, "Юве" Киевда, "Боруссия" Римда меҳмон бўлса, "Барса" ўз уйида ўйнайди (превью)  7 16:14Рамос "Реал"нинг машғулотини ўтказиб юборди ва катта эҳтимол билан "Шахтёр"га қарши баҳсда майдонга тушмайди  0 15:50Olamsport: Хабибнинг энг кучли футболчилар рейтинги, Гэтжига қарши жанг учун қанча гонорар олиши ва бошқа хабарлар  0

"Турон"нинг кечаги аламли мағлубияти ҳақида Янгиликлар

"Турон"нинг кечаги аламли мағлубияти ҳақида

Теглар :  ТуронПро лига
Ўз олдига жуда юқори мақсадларни қўяётган Яйпаннинг "Турон" жамоаси мана иккинчи йилдирки Ўзбекистон кубогининг илк ўйинидаёқ мағлубиятга учраб нуфузли мусобақадаги юришини тўхтатаяпти.

Ўтган мавсумда ўз майдонида Шаҳрихоннинг "Раш Милк" жамоасига қўшимча таймда 0:1 ҳисобида ютқазган бўлса, бу сафар пенальтилар сериясида "Шўртан" жамоасига ютқазгани янада аламли бўлди.

Ўйиндан кейин "Турон" бош мураббийи Исломбек Исмоилов "Ҳаёт яна давом этади" деди. Тўғри ҳаёт давом этади, лекин кечаги мағлубият жуда кўп нарсани йўқотилишига сабаб бўлди. Агар кеча "Турон" ғалаба қозониб, кейинги босқичдан ҳам ўтиб гуруҳ босқичига илиниб қолганида жуда кўп нарсага эришарди. Гуруҳ босқичида суперлиганинг учта жамоаси билан бир гуруҳга тушарди ва улар билан ўйинлар орқали анча тажриба тўпланарди. Бу рақиблар суперлиганиннг етакчи жамоалари балки "Пахтакор", балки "Насаф" ёки "Навбаҳор" ҳам бўлиши мумкин эди. Бу жамоаларга қарши ўйинлар "Турон" жамоасига жуда катта мактаб бўларди. Стадионга мухлислар киришига рухсат берилса яйпанлик мухлислар ҳам Суперлигамиздаги машҳур футболчиларни ўз шаҳри стадионида кўриб уларни ўйинларидан олам олам завқ-шавқ оларди. Афсуски шундай имконият қўлдан чиқарилди.

Менимча "Турон" асосий вақтда ўйин тақдирини ҳал қилмоқчи бўлганми пенальтилар сериясига етарли даражада тайёргарлик кўрмагани сезилиб қолди. Тўғри яйпанликлар "Қўқон-1912" ва "Навбаҳор" жамоалари билан ўртоқлик ўйинларида майдонга тушди, лекин ўртоқлик ўйини билан расмий ўйинни солиштириб бўлмайди. Про лигада ҳам кучли жамоалар бор, лекин барибир Суперлига жамоаларига қарши расмий ўйинларда майдонга тушишни гашти бошқача.

Кечаги кубок ўйинларидаги натижалар шуни кўрсатдики бу йили Про лигада ҳар йилгидан ҳам аёвсиз курашлар бўлади. Саккизта жамоанинг ҳам кучи деярли тенг. Деярли ҳаммаси Суперлигага чиқиш мақсадида майдонга тушади. Ҳар бир очкони қадри баланд бўлади. Ҳар бир очкони қўлга киритиш осон бўлмайди.

Юртимизда карантин чоралари юмшатилиб стадионга мухлисларни киришига рухсат берилса Про лига ўйинларида ҳам мухлислар Суперлига ўйинларидан қолишмайдиган жонли, муросасиз ўйинларни гувоҳига айланади.

Суперлигадан кейин Про лига ўйинларини ҳам бошланишини интиқлик билан кутамиз.






Фарҳоджон Узоқов
Фото: Дилмурод Исоқов

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика