"Тоттенхэм" футболчиси "Интер" билан шартнома имзолайди

33 ёшли бельгиялик футболчининг "шпорлар" билан тузган шартномаси мавсум сўнггида якунига етади.

Футболчи Лондон клуби билан шартномасини узайтирмоқчи эмас, шу сабаб Ян тез орада эркин агентга айланади.

Бу эса "Интер"га ҳимоячи билан текинга шартнома имзолаш имконини беради. Ўйинчи ва "нерадзуррилар" деярли келишувга эришишди.

Вертонген жорий мавсум "Тоттенхэм" либосида 26та ўйинда майдонга тушиб, 2та гол ва 1та ассист қайд этди.