Birinchi davrada Superliga ishtirokchisi sanalgan Termizning "Surxon" jamoasi tarkibida to'p tepgan Nuriddin Hasanov jamoaga kelib qo'shildi. Tajribali chap qanot yarim himoyachisi yarim mavsumlik shartnoma tuzdi.
Birinchi davrani Xorazmning "Xorazm" jamoasi tarkibida o'tkazgan tajribali himoyachi Sheroz Jalolov ham "oq bo'rilar" safiga kelib qo'shildi. 25 yoshli himoyachi ham jamoa bilan mavsum so'ngiga qadar birga bo'ladi.
"Lokomotiv" futbol klubi tarbiyalanuvchisi, o'tgan mavsum "Qo'qon-1912" jamoasida harakat qilgan tajribali darvozabon Rustam Nortojiev ham mavsum yakuniga qadar mazkur jamoaga yordam beradi.
