— «Обод»га қарши ўйин олдидан рақибнинг бир неча учрашувлари видео ёзувларини кўриб ўргангандик, — деди Шерали Жўраев. — Уларнинг қандай кучга эга эканлигини яхши билардик. Шу боис, ўйинни юқори суръатларда бошлашга уриндик. Учрашув бошида ҳисобни очганимиз бизга акс таъсир қилди. Олдинги ўйинларда ғалаба қозонганимиз учунми бироз хотиржамликка берилдик. Натижада рақиб бизни жазолади. Кетма-кет икки бор ўз дарвозамиздан тўп олиб чиқишга мажбур бўлдик. Яхшиямки, ўйин охиригача ҳужумкорликни сусайтирмай гол киритдик ва мағлубиятдан қутулиб қолдик. Ишонаманки, бу учрашув келгусида жамоамиз учун жиддий сабоқ бўлади. Рақиб ким бўлишидан қатъий назар уни ҳурмат қилишимиз ва майдоннинг ҳар бир қарич ерида тўп учун кескин курашишимиз зарур. Ғалаба эса осонликча қўлга киритилмайди, - дейди Шерали Жўраев.
«Қизилқум» ПФК матбуот хизмати.
