Football.by хабарига кўра, Лушан "Шахтёр" Солигорск фарм-клуби Петриковнинг "Шахтёр" жамоасини бошқаради. 49 ёшли мутахассис куздан бери "Шахтёр" Солигорскнинг U-18 жамоасига устозлик қилиб келаётганди.
Лушан бош мураббий лавозимида Станислав Суворовни алмаштиради.
Маълумот ўрнида, Лушан шу пайтгача Ўзбекистон U-19 термаси, "Бунёдкор", "Сўғдиёна" ва "Динамо"га устозлик қилган. 2021 йилнинг баҳорида "Шахтёр" Солигорск болалар ва ўсмирлар спорт мактабида иш бошлаганди. Яқин вақтгача эса жамоа бошлиғи Михаил Смирновнинг ўринбосари сифатида ишлаб келаётган эди.
