"L’Équipe" нашрининг ёзишича, португалиялик юлдуз PIF томонидан бошқариладиган клублар, хусусан, "Ал Ҳилол"га нисбатан кўрсатилаётган эътибор ва молиявий имкониятлардан норози. Шунингдек, у Карим Бенземанинг "Ал Ҳилол"га ўтиши рақобатга зарар етказишини таъкидлаб, бунга қарши чиқмоқда. Шу сабабдан Роналду "Эр-Рияд"га қарши баҳсда майдонга тушишдан бош тортди.
Бу вазият қандай занжирли реакцияга сабаб бўлди?
- Бензема кутмоқда: Карим "Ал Ҳилол" билан келишувга эришган бўлса-да, Роналдунинг босими туфайли трансфер ҳали амалга ошмаяпти.
- Кантенинг йўли ёпиқ: Нголо Кантенинг "Ал Иттиҳод"дан "Фенербахче"га ўтиши деярли ҳал бўлган, аммо клуб аввал Бенземанинг кетишини кутмоқда.
- Эн-Несири масаласи: Марокашлик ҳужумчи Кантенинг ўрнига "Ал Иттиҳод"га келиши керак, бироқ юқоридаги сабабларга кўра бу трансфер ҳам тўхтаб қолган.
Роналду PIF'дан "Ал Наср" учун режалаштирилмаган қўшимча молиявий маблағ талаб қилишда давом этмоқда.
