Ризо Ғучаннажод: “Ўзбекистон кучли терма жамоа”

Ушбу учрашувдан сўнг Эрон терма жамоаси ҳужумчиси Ризо Ғучаннажод ўз фикрларини билдирди.

“Ўзбекистон терма жамоасига қарши жуда ҳам ажойиб ўйинни ўтказдик. Ушбу баҳсда биз ғалаба қозондик бундан хурсандмиз. Ўзбекистон жуда ҳам кучли терма жамоа ҳисобланади. Терма жамоангизда жуда кўп кучли футболчилар бор. Мен уларни алоҳида ажратиб кўрсата олмайман. Еттинчи (Азиз Ҳайдаров), ўн саккизинчи (Отабек Шукуров) ва захирадан майдонга тушган ўн еттинчи рақамли (Жалолиддин Машарипов) футболчилар жуда ҳам аъло даражада ҳаракат қилишди.

Биз ушбу ўйинда битта гол уришга эришдик холос. Кейинги ўйинни ўйимизда Жанубий Кореяга қарши ўтказамиз. Насиб қилса ушбу учрашувда ҳам ғалаба қозонишга ҳаракат қиламиз”, - дейди Эрон терма жамоаси ҳужумчиси Ризо Ғучаннажод.  

Жаҳонгир Сотволдиев.