Рифат Акрамхўжаев: "Сурхон"нинг мақсади чиройли ўйин кўрсатиш ва таркибни ёшартириб бориш"
11 мар 23:01
Янгиликлар

Рифат Акрамхўжаев: "Сурхон"нинг мақсади чиройли ўйин кўрсатиш ва таркибни ёшартириб бориш"

Суперлиганинг 1-туридан ўрин олган "Сурхон" - "Металлург" (1:0) учрашувидан кейин мезбонлар бош мураббийи Рифат Акрамхўжаев ўз фикрларини билдирди.

"Барча жамоаларни чемпионат бошлангани билан табриклайман. Яхши ўйинлар кўпайсин деб ният қиламан. "Металлург" сафида тажрибали футболчилар жуда кўп, яхши шаклланган жамоа. Бу ўйинга пухта тайёргарлик кўргандик. Барча шогирдларимга катта раҳмат айтмоқчиман. Йигитларимизда потенциал юқори, керакли вазиятларда янада кучли ўйнай олишади", - дейди Рифат Акрамхўжаев.

- "Сурхон"нинг олдига бу мавсум қандай вазифа қўйилган?
- Чиройли ўйин кўрсатиш ва таркибни ёшартириб бориш, асосан академиядан етишиб чиқадиган футболчиларга кўпроқ имконият бериш. Ҳар бир баҳсга сўнгги ўйинга тушгандек тушамиз.

Шу фурсатдан фойдаланиб Темурхўжа Абдухолиқовга ва унинг оиласига ҳамдардлик билдираман. Ўзим ва "Сурхон" клуби номидан чуқур таъзия билдираман. Оллоҳим сабр берсин. Энди фақат яхши кунлар бўлсин.

Ҳавола :

Манба : championat.asia

Янгиликларни Телеграмда ўқинг!

Рейтинг: +6